УЛААНБААТАР ЭЛИТ СУРГУУЛЬ

Элсэлтийн зар


Хөтөлбөрүүд

КЕМБРИЖИЙН ХӨТӨЛБӨР
Дэлхий дахинд хүлээн зөвшөөрөгдсөн Кембрижийн Олон улсын шалгалт нь  5-19 насныханд олон улсад хүлээн зөвшөөрөгдсөн боловсрол, гэрчилгээ олгодог. Энэхүү сургалтын хөтөлбөр нь  дэлхийн 160 гаруй орны 10.000 орчим  сургуульд хэрэгжиж байгаа бөгөөд дэлхийн дахинаа хамгийн олон сурагчийг хамарсан сургалтын хөтөлбөр юм. Кембрижийн олон улсын сургалтын хөтөлбөр, гэрчилгээ нь дэлхийн 160 гаруй оронд  буюу дэлхий дахинд хүлээн зөвшөөрөгдсөн байдаг.  Кембрижийн хөтөлбөр хэрэгжүүлж буй сургуулиудын 98 % нь биднийг бусад сургуулиудад санал болгодог. Бид Кембрижийн их сургуулийн тэнхим, ашгийн төлөө бус байгууллага болох Кембрижийн үнэлгээний төвийн нэг хэсэг ба хамгийн шилдэг боловсрол олгох гэсэн нэгэн уриан дор үйл ажиллагаагаа явуулдаг.
Хөтөлбөрийн онцлог давуу талууд
Кембрижийн олон улсын сургалтын хөтөлбөр, гэрчилгээ нь сурагч төвтэй арга барил дээр суурилсан ба боловсрол, их дээд сургууль, ажлын байранд амжилтын үүдийг нээж өгдөг. Хичээлийн агуулга олон соёлыг хамарсан, өргөн цар хүрээтэй байдаг. Сурган хүмүүжүүлэгч болон сурагчид хамтран ажиллаж, шилдэг туршлага, үзэл санаагаа хуваалцан боловсролын талбарт тэргүүлэн алхах, өөртөө итгэлтэй, хариуцлагатай, тунгаан бодож, шинийг эрэлхийлсэн хувь хүн болгон төлөвшүүлэхийг зорьдог.
Бидний сургалтын хөтөлбөр
• хүүхдийн англи хэл, математик, байгалийн шинжлэх ухааны хичээлүүдэд бүлэг тус бүрт эзэмших тодорхой зорилтуудыг тавих
• сурагчийн жил бүр гаргаж буй ахицад анхааран ажиллах
• бусад сургалтын хөтөлбөр, төрөл бүрийн хэрэгцээ, соёлд нийцсэн байх
• төрөлх хэл нь англи хэл биш сурагчдад зориулсан англи хэлийг Хоёр дах хэл болгон сонгон суралцах хөтөлбөр
• олон улсын жишигт нийцсэн сургуулийг санал болгодог
Cambridge Primary Progression Tests /Кембриж бага анги явцын шалгалтууд/:
• сургалтын хөтөлбөрийн 3, 4, 5, 6 шатанд сурч буй сурагч бүрийн гүйцэтгэлийн талаар дэлгэрэнгүй мэдээлэл өгөх
• эцэг эх, сурагчдад тэдний гүйцэтгэлийн талаар санал бодлоо илэрхийлэх боломжийг багшид олгох
Cambridge Primary Checkpoint /Кембриж бага анги Чекпойнт шалгалт/:
• Кембриж бага ангийн хичээлийн жилийн эцэст авах шалгалт бөгөөд англи хэл, математик, болон байгалийн шинжлэх ухаан гэсэн хичээлүүдээр өгөх боломжтой юм.
• сурагчийн англи хэл, математик (4-6 шат), байгалийн шинжлэх ухааны (3-6 шатны сүүлд) мэдлэг, чадвар, ойлголтыг шалгах боломжтой 
• гүйцэтгэлд олон улсын жишигт тохирсон үнэлгээ өгөхийн тулд шалгалтуудыг Кембриж руу явуулан шалгуулдаг
• суралцагч бүр өөрийн амжилтын тодорхойлолт болон гүйцэтгэлийн талаарх мэдээллийг хүлээн авдаг
• гүйцэтгэлийн мэдээлэл нь сурагчийг сургалтын хөтөлбөр, бүлгийн бусад сурагчид, сургуулийн бүх сурагчид, дэлхий дахинд адилхан шалгалт өгсөн бусад бүх оролцогчидтой харьцуулан түүний шалгалтын гүйцэтгэлийн талаар нарийвчилсан мэдээлэл өгдөг
•  бүлэг, хувь хүний гүйцэтгэлийг хянах, сургалтын хөтөлбөрийг удирдан зохион байгуулахад багш нарт тустай байдаг

Танилцуулга

ХБНГУ-ын “Эвэ Эмпати Ворлдвайд Эдукэйшн” ХХК-ийн хөрөнгө оруулалттай Эмпати Ертөнц ХХК-ийн харьяа “Улаанбаатар Элит” ОУ-ын дунд сургууль нь 2005 онд үүсгэн байгуулагдсанаас хойш 13 жил Монгол Улсын боловсролын салбарт үйл ажиллагаагаа явуулж байна.  Элит ОУ дунд сургууль нь, Олон улсын боловсролын Кембрижийн хөтөлбөрийг, Монголын үндэсний боловсролын хөтөлбөртэй хослуулан, сургуулийн өмнөх, бага, дунд, ахлах гэсэн боловсролын бүх шатанд хэрэгжүүлэн цогц сургалтыг явуулдаг.

“Элит” ОУ дунд сургуульд Монгол, АНУ, Герман, БНСУ, Бразил, ОХУ, Казахстан, Тайван, Узбекстан, Сири, Малайз, Энэтхэг, Пакистан, Япон, Хятад зэрэг 15 орны 500 орчим хүүхэд суралцаж байгаа нь цомхон дэлхий ертөнц гэлтэй.

Үндэсний өв соёл, ёс заншил уламжлалаа дээдэлсэн, бүтээлч сэтгэлгээтэй, өөртөө итгэлтэй,  дэлхийн хэмжээний боловсролтой “Монгол  хүн”-ийг төлөвшүүлэхийн төлөө бид зорьж  ажилладаг. Мөн хайр хүндлэл, харилцан ойлголцол-диалогийг эрхэмлэсэн хүн болгон хүмүүжүүлэхийг чармайн ажилладаг.

Монгол АНУ, Энэтхэг, Филиппин, Фижи, Барбадос, Турк, Узбекстан зэрэг улсаас ирсэн мэргэжлийн багш боловсон хүчнүүд “Элит” ОУ сургуульд хичээл заадаг.  Анги бүр  20 хүүхэдтэй хичээллэдэг болохоор, хүүхэд бүрт хүрч ажиллах боломжийг бүрдүүлдэг.

“Улаанбаатар Элит” ОУ дунд сургууль нь Кембрижийн хөтөлбөрийн Олон Улсын Их Британийн Сургуулиудын Холбоо (COBIS)-ын албан ёсны гишүүн болохоор, боловсролын стандартад нийцсэн анги танхим, орчин үеийн техник технологи бүхий сургалтын тохилог орчинтой. Шинжлэх ухаан, компьютерийн лабораториуд, дуу хөгжим, дүрслэх урлагийн кабинет, , материаллаг бааз бүхий номын сан, спорт залтай.  Мөн гадна орчноо тохижуулан хүүхдэд ээлтэй тоглоомын талбай болон хөлбөмбөгийн талбай зэрэг  хүүхэдэд ээлтэй орчинг цогцоор нь  бүрдүүлж чадсан.