Сургуулийн танилцуулга, онцлог:
БCШУCЯ-ны харьяа олон улсын хөтөлбөрийн сургалттай "Шинэ Эрин" лаборатори сургууль юм. Монгол улсын засгийн газар боловсролын чанарын шинэчлэл хийхээр зорьж буй энэ цаг үед  олон улсын жишиг болсон хөтөлбөр, арга зүй, сургалтын технологи, менежмент, судалгааг өөрийн сургалтын онцлогт нийцүүлэн нутагшуулах ажлыг манай хамт олон амжилттай хэрэгжүүлж байна.
Тус сургууль анх 2010 онд 40 сурагч 13 багш,3 удирдах ажилтантай үүсгэн байгуулагдаж байсан бол өдгөө олон улсын стандарт, шаардлагыг бүрэн хангасан барилга байгууламж, сургалтын техник хэрэгсэл, орчин нөхцөл бүхий 3 сургууль, монгол улсын болон олон улсын хөтөлбөрийн судалгаа хийж, сургалтанд хамрагдаж мэргэшсэн 100 гаруй монгол, гадаад багш, ажилтнуудтай болж өргөжсөн байна.